Ad Banner
Ad Banner
Ad Banner
Ad Banner

Osmani: Urime Fitër Bajramin me zemër të bardhë dhe me vepra të mbara

08:17 | 30 Mars 2025
E.G

Presidentja e Kosovës, Vjosa Osmani, e ka uruar festën e Fitër Bajramit për të gjithë besimtarët myslimanë.

Ajo ka uruar për paqe, begati dhe harmoni.

“Me rastin e Fitër Bajramit, ju shpreh urimet më të përzemërta, duke ju dëshiruar paqe, begati dhe harmoni në familjet dhe zemrat tuaja. Kjo ditë feste shënon përmbylljen e një muaji sakrifice, devotshmërie dhe reflektimi.”, ka shkruar presidentja Osmani.

“Bajrami është festë e mirësisë dhe e solidaritetit, një moment për ta ndarë gëzimin me familjen, miqtë dhe ata që kanë më shumë nevojë për dashuri dhe mbështetje. Le të shërbejë kjo ditë si një rikujtim se durimi, përkushtimi dhe zemërgjerësia janë vlera që duhet të na udhëheqin gjithnjë. Urime Fitër Bajramin me zemër të bardhë dhe me vepra të mbara!”, u shpreh ajo./Arbresh.info/

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm